Ministri i Mbrojtjes Ejup Maqedonci bashkë me komandantin e Forcës së Sigurisë së Kosovës (FSK), Bashkim Jashari kanë udhëtuar drejt Shteteve të Bashkuara.
Atje pritet të zhvillojnë takime të nivelit të lartë.
Siç ka njoftuar Ministria, dy drejtuesit ai i Ministrisë së Mbrojtjes dhe i Ushtrisë së Kosovës do të zhvillojnë takime në Departamentin e Mbrojtjes, në Departamentin e Shtetit, në Senatin e SHBA-së dhe në institucione të tjera.
Sipas njoftimit, këto takime po zhvillohen në kuadër të fuqizimit të marrëdhënieve mes Republikës së Kosovës dhe SHBA-së në fushën e mbrojtjes dhe të sigurisë.
