Shkruan: Milazim KRASNIQI, profesor universitar dhe analist
Mërgimtarët tanë e kanë ndihmuar shumë Kosovën në vitet e okupimit. Në vitet e lirisë janë lidhë me Kosovën edhe më shumë. Mijëra prej tyre kanë blerë këtu banesa, kanë ndërtuar shtëpi, vijnë masivisht në pushime.
Interesimi i tyre për zgjedhjet në Kosovë është i natyrshëm. Çka nuk u konvenon atyre në këto zgjedhje?
Nuk u konvenon qeveri që është në konflikt me BE, sepse konflikti mund t’ua dëmtojë edhe pozitën atje. Nuk u konvenon qeveri që shkakton konflikte në shoqëri, me arsimtarët, me sindikatat, me opozitën, me komunitetet.
Çka u konvenon atyre? Atyre u konvenon një Kosovë që zhvillohet, që afrohet më Bashkimin Europian, sepse ashtu edhe pronave të tyre këtu u rritet vlera. U konvenon një Kosovë që zgjidhë problemet edhe me Serbinë, ashtu që ata të udhëtojnë pa frikë e pa rrezik. Pra edhe mërgimtarëve u konvenon një Kosovë që arrin standarde europiane, e jo një Kosovë që prodhon konflikte, siç po prodhon qeveria e tashme e Kurtit.
Por nuk e di a ua ka shpjeguar mirë ndokush këtë realitet, meqë ata duke qenë larg Kosovës, shumë gjera nuk arrijnë t’i kuptojnë drejt
