Haziri: Mendësia ‘500K’ tregon se njerëzit i sheh si numra

Nënkryetari i LDK-së, Lutfi Haziri, ka kritikuar qasjen e Vetëvendosjes, duke e cilësuar si një mendësi që i trajton njerëzit thjesht si shifra. Ai ka ftuar qytetarët t’i bashkohen vizionit të madh për ndryshim që ofron LDK-ja.

Në një postim në rrjetet sociale, Haziri ka ndarë detaje nga takimet mobilizuese të kësaj partie të zhvilluara në Zhegër, Lladovë, Shurdhan, Demiraj, Haxhaj, Nasalë, Llashticë, Muçibabë, Livoç të Ulët, Cernicë, Gumishtë, Vrapçiq e Kravaricë.

“Për mirëqenien e qytetarëve të Gjilanit e Anamoravës, për projektet e mëdha e zhvillimore. Jemi bërë bashkë sepse LDK nuk i takon funksionarëve, por veprimtarëve e qytetarëve. Faleminderit deri në përulje për mbështetjen e jashtëzakonshme!”, shkroi Haziri.