Sara, Jona, Ganja, Selvija dhe Genta – kush janë ‘gratë’ e famshme të LVV’së që bëjnë propagandë në FB?

Pafund përmbajtje propagandistike, mijëra profile të rreme e grupe linçuese në rrjete sociale kanë nisur të dalin në sipërfaqe në rrjete sociale tashmë me fushatën zgjedhore në fazën e saj vendimtare: për dominim të narracionit politik.

Vetëvendosja – kaherë e njohur për burime të pashterrshme të pranisë online linçuese – me ç’duket ka dalë me një ‘bot të ri’ që ka përshkuar rrjetet: profile të rreme në emra grash që punojnë me orar të plotë në shpërndarje të përmbajtjes së Vetëvendosjes.

Vëllimi i shpërndarjes të këto ‘bota të ri’ që ka përzgjedhur Nacionale është me një mestare të lartë prej dhjetëra postimeve në orë: bashkërisht me komente nëpër postime të personave me ndikim publik, opinionbërësve, mediave e figurave politike: e tash edhe tubimeve zgjedhore të Vetëvendosjes.

Shembulli I: Sara Blakqori

Një nga më ‘hardcore’-ët dhe aktivet prej këtij tipi të ri profilesh të rreme: Sara Blakqori (i.e, që gabimisht i kishte mbetur mbase emri origjinal në username: Sabri Gashi).

Nëse mund t’i besohet shifrave që ka plasuar vet nga trafiku i Fejsbukut për 14 ditë ka pasur arritje në 1.2 milionë paraqitjeje te ndjekësit e vet.

Këtyre ndjekësve ajo u thotë të jetë grua, që punon për “The Economist” dhe që ka studiuar në “Goethe-Universitat Frankfurt” (Aha: në universitetin më elitë gjerman).

S’lë germë, postim, fotografi e video pa komentuar në fjalët standarde të Vetëvendosjes:

Shih rasti 1:

Postimet e saj të përgjithshme janë të natyrës se “vota për Albinin…votë për shqiptarët kudo” e deri te demonizimi i kujtdo tjetër për “hajn e tradhtarë të kombit”.

Shembulli II: si-motra e saj Jona Qitaku

Del që të njëjtën ditë të kenë hapur profilet në Facebook: më 24 mars, 2020 – postojnë gati se të njëjtat gjëra, ndërveprojnë me të njëjtat grupe, dhe kanë gati se të njëjtit njerëz duke si “të ndjekur” (jo ndjekës). Çka mund të hipotetizojmë se janë i njëjti njëri.

Një trajektore të shpërndarjes del taskenë, siç qe rasti i tubimit të djeshëm në Gjakovë: ku videot teksa bisedon Kurti me qyetarë i hedhin të parët duke ndarë momente supozivisht senzacionale.

“Lokja uron Kryeministrin: deri n’pension i marrsh mandatet”.

Edhe e ashtuqujtura Jona Qitaku vëllimin e punës e ka me orar të plotë: me dhjetëra postime e shpërndarje në orë, e ku arrin të angazhojë me komente një numër të madh personash real.

Këtyre dy figurave u gjen llajka edhe nga zyrtarë të lartë të Vetëvendosjes siç është Elvis Hoxha e Haxhi Avdyli nga Guxo: ndërsa këta ndjekin profilet reale të krejt zyrtarëve të VV-së/

Shembulli III: Genta Genta (Prishtinë)

Po ashtu profil i rremë i kategorisë së rëndë propagandistike me një numër të madh angazhimesh nga profile reale: ajo kujdeset të shpërndarjë orë e minutë postime pa kurrëfar filtrish dhe në përgjithësi të rreme.

Si Rifat Jashari gjoja duke i thënë Kurtit: “Eh more bir, këta i kanë tradhtu dëshmorët, invalidët e të burgosurit politik, e nuk po të tradhtojnë ty”.

Riaktualizon videot e vjetra propagandistike të Vetëvendosjes si “shkatërruesit e shtetit (Hashim Thaçi, Kadri Veseli, Fatmir Limaj, Ramush Haradinaj) që nuk duan ta shuan shtetin mirë”.

Kryesisht postimet janë të disa faqeve si “Portali Zëri i Popullit”, “Albini 75%”, “meKryeministrin”, “Let’s Go” (që e shpërndanë edhe Elvis Hoxha, dhe që duket të jetë profil promovues për të dhe Hysamedin Ferajn)”, etj.

Shembulli 4: Ganee Berisha

Kjo e fundit del të ketë hapur Facebook-un qëmoti, por kryesisht për arsye lojërash online me letra si pokeri: por ajo kërcen dhe ndërron aktivitetin: bëhet Vetëvendosje.

Aktivizohet në 2020 dhe pastaj pauzon: ringjallet në fund të 2023’ës.

Aty ajo nis me komentime gjithandej rrjeteve sociale duke sharë e demonizuar kundërshtarë politikë dhe shpërndarë përmbajtje pro-Vetëvendosjes: nga dhjetori e tutje masivisht.

Shembulli 5: Profil pastërtisht i rrejshëm me emër/fotografi gruaje: Selvije Berisha.

Edhe ajo punon me orar të plotë: me dhjetëra postime brenda orësh kryesisht propagandë të kulluar ndaj partive opozitare.

Më së fundi me Lumir Abdixhikun duke i dredhuar një deklaratë se vozit Mercedes dhe se kjo e bën atë automatikisht të korruptuar (provoni të kuptoni logjikën…).

Ose të llojit të deklarimeve ekstravagante për efekte zgjedhore si ajo e Hekuran Muratit: 500 milionë euro të privatizimeve i kanë çuar në asfalltë.

Selvija i shpërndanë përmbajtjet e postuara profileve të mësipërme.

Këto janë vetëm pesë prej “grave të famshme” që ka vështruar Nacionale si më të flaktat në propagandë.