Zëdhënësi i Lidhjes Demokratike të Kosovës, Besian Mustafa, ka thënë se çdo ditë që kalon gjithnjë e më shumë njerëz po i bashkohen LDK-së.
Në një konferencë për media, ai bërë me dije se këta qytetarë po tregojnë se janë të gatshëm për ndryshim.
“Më shumë po ka LDK-ja përkrahës në një mahallë se sa VV-ja në gjithë qytetin”, ka thënë Mustafa.
Ai ka deklaruar se pjesëmarrja e njerëzve në tubime të LDK-së është rekorde.
“Entuziazmi për fitoren e madhe të LDK-së edhe në fshatra po i tejkalon tubimet e pushtetit në kryeqendra. Ka prezencë në numra rekord në çdo tubim të LDK-së nëçdo lagje, në çdo fshat e në çdo qytet tëKosovës, siç pamë dje në Deçan, Junik dhe Baran”, është shprehur ai.
Sipas Mustafës, pushteti tanimë e ka humbë betejën dhe tash po mundohen të duken kinse po punojnë në fushatë, pa prekë punë me dorë 4 vjet.
“Partia e vetme me vizion dhe program të qartë, Lidhja Demokratike e Kosovës. Andaj, i ftojmë të gjithë qytetarët të na bashkohen. Këto zgjedhje janë jetike. Nëse ia doni të mirën të ardhmes së Kosovës, nuk mund të qëndroni në shtëpi, nuk mund të jeni neutral, duhet të ngriheni dhe të votoni për ndryshim, të votoni LDK-në”, ka thënë Mustafa.
