Befason Konjufca: Qeveria jonë ka bërë shumë, ata e coptuan ne e bëm cep me cep

Kandidati për deputet i Vetëvendosjes, Glauk Konjufca, e ka përsëritur akuzën e djeshme të bërë në Gjakovë se qeverisjte e kaluara “në njëzet vitet e fundit e kanë bërë Kosovën copë më copë” duke ia vazhduar slloganin e VV-së se tash “ne po e bëjmë cep në cep”.

“Qeverisjet e kaluara në 20 vitet e fundit e kanë bërë Kosovën copë më copë ,ndërsa ne, me qeverisjen tonë, po e bëjmë Kosovën cep më cep”, tha ai.

Postimi i tij:

500 mijë zemra po bëhen bashkë për numrin e vërtetë, numrin 118!

Fushatën zgjedhore e nisëm zyrtarisht mbrëmë, në Gjakovën e madhe që na bëri bashkë e na priti me një atmosferë elektrizuese.

Qeverisja jonë ka bërë shumë për gratë e për punëtorët, për mjekët e arsimtarët, për studentët e bujqit, për policët e ushtarët, për invalidët e veteranët dhe për secilën kategori të popullit tonë të dashur.

Qeverisjet e kaluara në 20 vitet e fundit e kanë bërë Kosovën copë më copë ,ndërsa ne, me qeverisjen tonë, po e bëjmë Kosovën cep më cep.

Të dashur qytetarë të Republikës sonë të dashur, e nisëm me Gjakovën për të vazhduar sonte në Mitrovicë dhe deri me 9 shkurt, në secilën Komunë, cep më cep.