Molliqaj: Lista Srpska nuk është organizatë terr’oriste dhe as antikushtetuese

Kryetari i Partisë Socialdemokrate, Dardan Molliqaj, ka thënë se Lëvizja Vetëvendosje po tenton të bëjë kauzë politike me Listën Serbe, duke komentuar përpjekjet e partisë në pushtet për ta lënë jashtë zgjedhjeve të 9 shkurtit.

Molliqaj ka thënë se Lista Serbe nuk është organizatë terroriste e as antikushtetuese.

“Unë mendoj që pozicioni i vërtetë është ky: Lista Srpska nuk është organizatë terroriste dhe as antikushtetuese. Ligjet e Kosovës e lejojnë që ti me e shkru në programin tënd politik që ki drejtë me u bashku me një shtet tjetër, vetëm që duhet përmes metodave demokratike edhe ligjore me i ba ato ndryshime”, ka deklaruar Molliqaj për Reporterin.