27-vjeçari, që u zhduk pasi doli për të gjuajtur në malin e Pashtrikut, u gjet pas shumë orësh, pa shenja jete, transmeton Insajderi.
Ajet Lleshi nga fshati Kishaj i Hasit kaloi natën në mal, ku rreth mesnatës telefonoi për ndihmë familjarët, por për shkak të terrenit të vështirë dhe motit të keq me borë, familjarët nuk e gjetën të riun gjatë natës. Madje, teksa kërkonte në mal, babai i të riut, Riza Lleshi humbi gjurmët dhe u gjetën pak para se të gjendej trupi i pajetë i 27-vjeçarit.
Sikurse raporton korrespondenti i Top Channel, Bekim Lekica, ai ndodhet në gjendje të rënduar fizike dhe psikologjike.
