Deputetja e LDK-së, Hykmete Bajrami, e ka kritikuar përgjigjen e nënkryetarit të Vetëvendosjes, Glauk Konjufca, i pyetur nga gazetarët për termat “hajvanë” dhe “hajvanatë”, të përdorur nga kryeministri në detyrë, Albin Kurti.
Sipas Bajramit, Konjufca u justifikua se ishte “gjuhë fushate”, dhe i cili tha se “normal, qohesh një mëngjes, e sheh që s’i ke numrat, dhe e ndryshon qasje”.
“Por Konjufca ‘harroj’ që termat ‘hajvan’ dhe ‘hajvanat’ janë përdorur pasi janë shpallur rezultatet preliminare, pra në dritën e numrave, edhe pse këta terma janë të papranushëm kurdo që thuhen”.
“Qasjen, Albin Kurti e ka ndryshuar vetëm kur e kuptoi që nuk i del matematika pa votën e Adem Hoxhës, alias Listës Serbe”, shkroi Bajrami,
Sipas saj, përgjigjet e Konjufcës janë “hipokrizi në maksimum”.
