Deputeti i Lidhjes Demokratike të Kosovës, Lutfi Haziri, ka reaguar pas dështimit të seancës për konstituimin e Kuvendit të Kosovës.
Ai e ka akuzuar Lëvizjen Vetëvendosje (LVV) për bllokim të procesit.
Sipas Hazirit, kryesuesi i seancës “shkeli Rregulloren e Kuvendit”, duke thirrur për konsultime politike pa pasur mandat apo autorizim për një veprim të tillë.
“Veprimet e sotme të LVV-së shpërfaqin bllokimin faktik të procesit të konstituimit të Kuvendit dhe themelimin e institucioneve të reja,” shkroi Haziri, duke e mbyllur reagimin me fjalinë: “Republika, mbi të gjitha!”
