Abdixhiku pas tubimit në Kaçanik: Po i prinë rendit të gjatë të qytetarëve për ndryshim

Kandidati për kryeministër nga radhët e Lidhjes Demokratike të Kosovës (LDK), Lumir Abdixhiku, pas një tubimi madhështor në Kaçanik ka thënë se ringritja ndodhi edhe në këtë komunë.

Abdixhiku deklaroi se LDK dhe populli tashmë janë bërë një.

“KAÇANIK! Ringritja ndodhi dhe këtu. Pas një kohe të gjatë, mblidhemi kaq shumë. E paparë! LDK dhe populli janë bërë tashmë një!”, deklaroi Abdixhiku.

“Në këtë qytet fisnik, me familje punëtore e qytetarë plot vullnet, gjetëm shpresën për Republikën, siç e kishim projektuar me ta gjithëherë! Emocion! Përkushtim! Ndryshim! 124 është numri ynë! Kaçaniku po i prinë rendit të gjatë të qyteteve për ndryshim!”.