Ahmeti: Politika e jashtme s’duhet të funksionojë me emocione, por me qetësi e interesa (VIDEO)

Kandidati për deputet nga “Koalicioni për Familjen”, Amir Ahmeti sonte në emisionin “Rubikon” në Klan Kosova ka folur për politikën e jashtme, duke thënë se ajo nuk duhet të funksionojë me emocione, por siç tha ai, me qetësi dhe interesa.

Ahmeti u shpreh se politika e jashtme duhet të trajtohet me finesë e urtësi si dhe siç tha ai, pa nguti, përcjell Klankosova.tv.

“Politika e jashtme nuk duhet të funksionojë me emocione, por me urtësi dhe me interesa. Mendoj që politika e jashtme duhet ta trajtojë këtë politikën e jashtme me një finesë, me një urtësi, pa nguti, në mënyrë që të marrim edhe modele, tek e fundit jemi shteti më i ri në Evropë, kemi pasur mundësi të marrim modele të shumta”, u shpreh ai.