Mbrojtësi i Gjermanisë, Antonio Rudiger, ka ndarë historinë prekëse të familjes së tij, duke zbuluar se prindërit dhe të afërmit e tij i shpëtuan luftës civile në Sierra Leone vetëm falë një arratisjeje të rrezikshme që u mundësoi të nisnin një jetë të re në Evropë.
Futbollisti i Real Madridit foli për BBC Sport Africa pas paraqitjes së tij në ndeshjen hapëse të Gjermanisë në Kupën e Botës, ku gjermanët triumfuan me rezultat të thellë 7-1 ndaj Curacaos.
Rudiger tregoi se familja e tij u detyrua të largohej nga distrikti Kono, në lindje të Sierra Leones, gjatë luftës civile që zgjati afro një dekadë. “E vetmja zgjidhje ishte të largoheshim.
Vëllai im më ka treguar shumë histori për atë që kanë përjetuar gjatë rrugës drejt kryeqytetit Freetown në kërkim të sigurisë”, tha Rudiger.
Sipas tij, udhëtimi prej rreth 340 kilometrash ishte jashtëzakonisht i rrezikshëm.
Rudiger, më i vogli nga gjashtë fëmijët e familjes, lindi në Berlin pasi Gjermania pranoi familjen e tij si refugjatë.
Ai kujton se fëmijërinë e kaloi në një qendër refugjatësh. “Kjo më ndikoi shumë, sepse kuptova se asgjë nuk të jepet falas në jetë.
Duhet të punosh dhe të sakrifikosh shumë për të arritur qëllimet e tua”, u shpreh ai.
Rudiger dhe Davies shpresojnë që përmes historive të tyre të kujtojnë se pas shumë yjeve të futbollit fshihen rrëfime të dhimbshme mbijetese, sakrifice dhe mundësish të reja të ofruara nga vendet që i pritën si refugjatë.