Autoritetet kolumbiane kanë arrestuar në Aeroportin Ndërkombëtar El Dorado një shtetas nga Kosova, i identifikuar si Arian Lluka, i cili kërkohej nga institucionet kosovare për veprat penale “vrasje e rëndë” dhe “shkaktim i rrezikut të përgjithshëm”.
Arrestimi u bë i ditur nga ministri i Mbrojtjes i Kolumbisë, Pedro Arnuflo Sanchez, i cili theksoi se i dyshuari kishte përdorur identitete të rreme për t’iu shmangur drejtësisë ndërkombëtare.
Sipas ministrit kolumbian, hetimet kanë zbuluar se Lluka, gjatë periudhës 2023-2026, kishte lëvizur në disa shtete duke përdorur dokumente legjitime me një identitet alternativ serb.
Ai ka vlerësuar bashkëpunimin ndërkombëtar dhe punën e autoriteteve kolumbiane në këtë operacion, duke theksuar se arrestimi dëshmon kapacitetin e Kolumbisë për të përballuar kërcënimet globale dhe për të garantuar sigurinë.
Arian Lluka kërkohej për vrasjen e Fidan Shabit në vitin 2012 në Pejë.