Një 43-vjeçar i dënuar me katër vite burgim është arrestuar në Prishtinë, pasi ndaj tij ishte aktiv edhe një urdhërarrest.
Policia e Kosovës ka njoftuar se arrestimi i personit me inicialet N.L. është bërë nga Njësia e Arrestimeve e Stacionit Policor Veriu në Prishtinë, në bashkëpunim me Njësinë e Reagimit të Shpejtë të Kryeqytetit. “Është arritur arrestimi i personit të kërkuar: N.L., mashkull, 43 vjeç, i dënuar me 4 vite burgim për veprat penale ‘Shmangia nga tatimi dhe falsifikim i dokumentit’, i njëjti kishte edhe një urdhërarrest aktiv”, thuhet në njoftimin e Policisë. “Njësitet relevante kanë vazhduar me procedurat e nevojshme lidhur me personin e arrestuar”, thuhet në njoftim.