Policia e Kosovës ka arrestuar një person të dyshuar për veprat penale “Lëndim i rëndë trupor” dhe “Armëmbajtje pa leje”, pas një incidenti që ndodhi sot rreth orës 11:30 në Skenderaj.
Sipas njoftimit të Policisë, i dyshuari mashkull madhor, pas një mosmarrëveshjeje, dyshohet se ka sulmuar fizikisht një person tjetër.
Si pasojë e sulmit, viktima mashkull kosovar ka pësuar lëndime trupore dhe është dërguar për tretman mjekësor.
Policia ka bërë të ditur se gjatë intervenimit është sekuestruar një armë e llojit pistoletë me gas, bashkë me gjashtë fishekë, ndërsa në vendin e ngjarjes është gjetur edhe një gëzhojë arme.
Ndërkaq pas intervistimit dhe me vendim të prokurorit kompetent, të dyshuarit i është caktuar masa e ndalimit policor. /Lajmi.net/
