Buzhala shokon: Kurti ka bërë lista të vrasjes

Në një prej emisioneve më të ndjekura në Kosovë, “Rubikon” në Klan Kosova, gazetari Berat Buzhala ka zbuluar një informacion tronditës. Ai deklaroi se kryeministri aktual i Kosovës, Albin Kurti, në vitin 2015 kishte hartuar një listë të vrasjeve. Sipas Buzhalës, kjo ngjarje kishte ndodhur në një banesë ku ishin të pranishëm tre persona të rëndësishëm të Lëvizjes Vetëvendosje, dhe njëri prej tyre e kishte kundërshtuar këtë veprim.

Ai tha se asokohe lideri i Vetëvendosje kishte deklaruar se “pa u derdhur gjaku s’ka sen”.

Sipas Buzhalës, dokumenti i listës ishte hartuar në prani të tre figurave kryesore të Vetëvendosjes, nga të cilët njëri kishte shprehur kundërshtime të hapura ndaj përmbajtjes së saj. Ky denoncim i Buzhales ngre pyetje serioze mbi zhvillimet brenda kësaj lëvizjeje dhe qasjen e saj ndaj kundërshtarëve politikë.

“Kryeministri Kurti është i njëjti person, i vitit 2015-të dhe i vitit 2016-të, po e them për herën e parë në këtë emision Adriatik. Ka bërë lista të vrasjes. Po, edhe jam në gjendje të përballem në gjyq me të”, tha Buzhala në Klan Kosova.