Presidenti i UEFA-s, Aleksander Ceferin, ka kritikuar ashpër presidentin e FIFA-s, Gianni Infantino, për projektin e dështuar për shitjen e aksioneve në Kupën e Botës, duke e cilësuar atë si një ide edhe më të rrezikshme se Superliga Evropiane.
Në një intervistë, Ceferin theksoi se është e rëndësishme të parandalojmë tentativat për të komercializuar futbollin.
Ai gjithashtu nuk ka komunikuar me Infantinon që prej shpërthimit të aferës lidhur me projektin FFE.
Ceferin paralajmëroi se nëse Infantino vendos të kandidojë për një mandat të ri, mund të përballet me një kundërkandidat.