Qytetarët e Kosovës do të furnizohen edhe sot me derivate sipas çmimeve të reja të përcaktuara nga institucionet përgjegjëse.
Ministria e Industrisë, Ndërmarrësisë, Tregtisë dhe Inovacionit (MINT) ka publikuar çmimoren e re për produktet e naftës, e cila vlen për ditën e sotme.
Sipas njoftimit të ministrisë, çmimi maksimal i lejuar i naftës është 1.37 euro për litër, ndërsa benzina do të tregtohet deri në 1.34 euro për litër.
Ndërkaq, çmimi maksimal i gazit është caktuar në 0.67 euro për litër.
Ministria bën të ditur se këto çmime janë të vlefshme për 24 orë dhe se subjektet që merren me tregtimin e derivateve obligohen t’i respektojnë kufijtë maksimalë të përcaktuar në vendimin e publikuar.