Gjyata e Lartë në Shqipëri ka caktuar datën 15 shtator për rishqyrtimin e masës së Erion Veliajt, pas rikthimit nga Gjykata Kushtetuese.
Gjykata Kushtetuese ia ktheu Gjykatës së Lartë shqyrtimin e kërkesës së masës së Veliajt me argumentin se duhet të arsyetohet përse nuk është e përshtatshme një masë tjetër, përveç arrestit në burg.
Procesi gjyqësor në ngarkim të Erion Veliaj, Ajola Xoxa dhe disa të pandehurve të tjerë ndodhet në fazën e themelit.
Ndaj Veliajt, i vetmi që mbahet në masën shtrënguese “arrest në burg”, SPAK ka ngritur akuzat korrupsion pasiv në 9 episode, pastrim parash, fshehje e mosdeklarim pasurie, shpërdorim detyre dhe futje e sendeve të paligjshme në qeli.