Deputeti i AAK-së, Daut Haradinaj, ka shprehur revoltën e tij pas seancës së jashtëzakonshme në Kuvend për zgjedhjen e presidentit.
Në një postim në Facebook, ai ka denoncuar zhvillimet e fundit si shkatërrim të rendit kushtetues dhe ka paralajmëruar organizimin e protestave, duke theksuar se një reagim i tillë është i pashmangshëm. “Protesta duhet të jetë e pashmangshme, pasi kjo që po ndodh në Kuvend është shkatërrim i rendit kushtetues që u ndërtua me mund e sakrificë shekullore,” ka shkruar Haradinaj.