Kandidati për kryeministër, Bedri Hamza, ka vizituar Organizatën e Veteranëve të UÇK-së.
Ai ka uruar Hysni Gucatin në rizgjedhjen në krye të Organizatës si dhe premton ta rris përkrahjen financiare për familjet e dëshmorëve, invalidët e luftës dhe veteranët e UÇK-së për 50%.
Postimi i plotë:
“Një vizitë në Organizatën e Veteranëve të Luftës së UÇK-së për t’i uruar për zgjedhjet e tyre dhe për t’i ofruar kryetarit të rizgjedhur, z. Hysni Gucati, mbështetjen e nevojshme.
Kategoritë e dala nga lufta do ta kenë gjithmonë mbështetjen time dhe për 50% do ta rrisim përkrahjen financiare për familjet e dëshmorëve, invalidët e luftës dhe veteranët e UÇK-së.
Kosova mundet ma mirë! Ne besojmë në këtë dhe do ta bëjmë realitet!”
