Haradinaj vlerësohet nga ish-deputeti i VV-së dhe analistët: Ramushi është profesor për Albinin

“Nëse ka njeri në Kosovë që përnime ia do të mirën Kosovës e shqiptarisë, e njerëzve në përgjithësi është Ramushi”, është shprehur Krasniqi gjatë një debati televiziv.

Ndërkaq, analisti i njohur Baton Haxhiu ka krahasuar Haradinajn me ish-presidentin amerikan Bill Clinton, duke vlerësuar lart aftësitë e tij në fushën e ekonomisë.

“A e din qysh mu ka duk Ramushi mbramë, për Albin Kurtin, profesor i ekonomisë dhe profesor qysh duhet me u udhëheq vendi”, ka thënë Haxhiu, duke shtuar se për diskursin e Kurtit, Haradinaj është “Bill Clinton”, veçanërisht në pjesën ku flet për ekonominë dhe energjinë.

Këto vlerësime vijnë në kohën kur Ramush Haradinaj, ish-kryeministër i Kosovës, po vazhdon fushatën zgjedhore për zgjedhjet e 9 shkurtit. Së fundi, ai ka mbajtur një tubim zgjedhor para një mase të madhe në Grabanicë të Klinës.