Pas një spektakli me nëntë gola në ndeshjen e parë, dueli i kthimit gjysmëfinal i Ligës së Kampionëve mes Bayern Munich dhe PSG-së u prit me interes të jashtëzakonshëm.
Ndeshja në Allianz Arena ishte më e matur dhe më e kujdesshme, ndërsa parisienët e ruajtën avantazhin e krijuar në takimin e parë dhe u kualifikuan në finalen e dytë radhazi, pas një barazimi në Mynih.
Vëmendja pas ndeshjes u zhvendos te gjyqtari – dhe këtë herë, emri më i përfolur ishte portugezi Joao Pinheiro.
Penalltia e kërkuar në minutën e 31-të: Pse nuk reagoi as gjyqtari, e as VAR-i?
Momenti më i diskutuar ndodhi në minutën e 31-të.
Lojtarët e Bayernit protestuan ashpër dhe kërkuan penallti, por Pinheiro e la lojën të vazhdojë, ndërsa edhe VAR-i nuk e thirri për rishikim.
Një tjetër situatë që ngjalli reagime ndodhi disa minuta më herët, kur Nuno Mendes u ndëshkua me karton të verdhë pas një prekjeje me dorë, por loja vazhdoi në mënyrë që u duk e paqartë për shumë tifozë.
Pse Pinheiro i njeh detajet e rregullores?
Sepse është edhe avokat.
Pinheiro ka nisur të gjykojë në vitin 2003, fillimisht si hobi gjatë studimeve.
Kulmi i avancimit erdhi në dhjetor 2024, kur u fut në kategorinë elitare të gjyqtarëve të UEFA-s.