Komandanti i KFOR-it, Gjenerali Major, Özkan Ulutaş, u takua sot me zëvendëssekretaren e Përgjithshme të NATO-s, Radmila Shekerinska, në selinë e NATO-s, në Bruksel.
Ulutaş informoi Këshillin e Atlantikut të Veriut me ambasadorë nga të gjithë aleatët e NATO-s dhe vendet partnere që kontribuojnë me personel në mision.
Gjeneral Major Ulutaş ilustroi përpjekjet e KFOR-it për sigurinë në Kosovë dhe ndau pikëpamjet mbi situatën aktuale të sigurisë në rajon.
Ai falënderoi Aleatët dhe partnerët e NATO-s për angazhimin në mbështetje të sigurisë në Kosovë dhe stabilitetit rajonal.