Kiks Kosova ka kërkuar në disa prej faqeve online në të cilat bëhen rezervime të biletave të udhëtimit.
Kjo për të krahasuar çmimet e linjave nga Aeroporti i Prishtinës, ai i Tiranës dhe nga Shkupi.
Në bazë të kërkimeve, del të jetë se çmimet për të fluturuar nga Prishtina, janë dukshëm më të shtrenjta.
Të paktën 422.99 euro kushton një biletë drejt qytetit gjerman të Frankfurtit.
Plot 222 euro më lirë të del nëse nga Tirana shkon në drejtim të të njëjtit vend në Gjermani.
Çmimet e biletave nga kryeqyteti i Kosovës për Cyrih “kanë fluturuar”, duke arritur gati në 600 euro.
E afërsisht katër herë më e lirë bileta është nga Tirana, që kushton 194.99 euro!
“Përtoke” është fluturimi drejt Zvicrës edhe nga Aeroporti i Shkupit, ku për të shkuar në qytetin e Bazelit paguan vetëm 95.30 euro.
Njëjtë edhe për në Itali, çmimet dallojnë.
Nga Prishtina, një biletë udhëtimi kushton 474.99 euro, nga Tirana kushton 344.99 euro, kurse nga Shkupi edhe më lirë.
Sipas të dhënave të Aeroportit të Prishtinës, 4 milionë udhëtarë kanë fluturuar përmes “Adem Jasharit” përgjatë vitit 2024.
