Albin Kurti, kandidat për kryeministër, në fjalën e tij para simpatizantëve të VV-së në Ferizaj, tha se LDK dhe PDK janë bërë si njëra-tjetra.
Tha se s’janë ‘ndryshimi, por janë ndryshku’.
“Këta të LDK-së, janë bë si PDK-ja, pare edhe reklamë, e kundërta e Rugovës. E këta të PDK-së janë bë si LDK-ja, pacifista edhe të hutuem e kundërta e UÇK-së.
Moti i ftohtë por unë po ndihem më shumë se ngrohtë këtu në Ferizaj, midis zemrave të nxehta të këtij qyteti madhështor të Republikës së dashur.
Një shok që e kam këtu në Ferizaj, më ka thënë se në Ferizaj çdo gur e ka nga një histori qendrese. E tash, nëse cdo gur e ka nga një histori, po them se në Ferizaj çdo zemër e ka nga një zjarr.
Kur vijmë në Ferizaj, të gjithë marrim zemër edhe më shumë”, tha ai.
