Manchester United ka arritur një marrëveshje të përgjithshme me Michael Carrick që ai të bëhet trajneri i përhershëm i klubit, sipas gazetarit të “The Athletic” David Ornstein.
Klubi po punon për finalizimin e kontratave për Carrick dhe stafin e tij, ndërsa plani besohet të jetë një marrëveshje dyvjeçare me opsion për edhe një vit tjetër.
Vendimi u aprovua pasi bashkëpronari Sir Jim Ratcliffe dha “dritën jeshile” përfundimtare pas një takimi kyç, me CEO-n Omar Berrada dhe drejtorin e futbollit Jason Wilcox që e mbështetën këtë lëvizje.
United kishte shqyrtuar edhe trajnerë të tjerë, përfshirë Andoni Iraolan dhe Unai Emeryn, përpara se ta zgjidhte Carrick si opsionin kryesor.
Carrick, i cili ka zhvilluar 464 ndeshje me United dhe ka fituar pesë tituj të Ligës Premier, thuhet se gëzon edhe mbështetje të fortë nga lojtarët.