Gazetari Lirim Mehmetaj, nxori një dokument ku evidentohet se Qeveria e Kosovës ka marrë me qira një objekt të babait të Zëvendës Komandantit për rajonin e Veriut, Veton Elshanit, përkatësisht për të vendosur zyret e Agjencisë Kosovare për Krahasim të Pronës në Pejë.
Mehmetja shkruan se paraprakisht kjo agjenci ishte e vendosur në një zyre tjetër “që ka qenë më lirë, por edhe me kushte të objektit më të përshtatshme”.
Mehmetaj beson se kjo është si pasojë e afërsisë së Elshanit me pushtetin.
Postimi i Mehmetajt:
Qeveria merr me qira pronën e babait të zëdhënësit të Policisë për Veri, Veton Elshanit, 1 mijë e 649 euro në muaj – rreth 20 mijë euro në vit
Prejse e kam parë këtë Veton Elshanin kur befasisht filloi të flas si militant i Vetëvendosjes e pata ditur se diçka këtu vjen era.
Doli ashtu siç e mendova.
Qeveria e Kosovës ka marrë vendim tash e sa muaj që Agjencinë Kosovare për Krahasim dhe Verifikim të Pronës në Pejë ta vendos në objekt të babait të Veton Elshanit, Sokolit.
Siç tregon kontrata, kjo agjenci atij i paguan 1 mijë e 649 euro në muaj. Kontrata është për së paku 3 vjet.
Përveç kësaj, agjencia duhet të paguajë edhe gjithë shpenzimet tjera përcjellëse.
Plus, siç më kanë treguar, Agjencia më parë ka qenë në një objekt tjetër i cili edhe ka qenë më i lirë, por edhe kushtet e objektit kanë qenë më të përshtatshme.
Dhe, kjo s’është e vetmja që kam marrë vesh për Elshanin, po këtë herë po e lë më kaq.
Për besë katastrofë është kjo. Ti objektin jepe me qira, po mos u shndërro në militant o vëlla.
