Një 13-vjeçare nga Istogu, e rritur mes varfërisë, rrugës dhe lëmoshës, përfundoi viktimë e dhunës seksuale.
Familja kishte vite nën mbikëqyrje institucionale, ndërsa institucionet pranojnë se kishin njohuri për gjendjen e rëndë sociale dhe problemet e vazhdueshme të fëmijëve.
Gazetarja Blerta Ahmeti, e cila ka bërë një dokumentar lidhur me këtë rast të rëndë, në emisionin ‘Kosova Today’ ka deklaruar se prindërit nuk ishin mjaftueshëm të përgjegjshëm për mbikëqyrjen e të miturës dhe fëmijëve të tjerë, ndërsa shtoi se institucionet përkatëse nuk e kanë bërë të pamundurën për t’iu dalë në ndihmë të njëjtëve.