“O ik, ik!” – Tragjedia në Vushtrri / “Djali vdiq pas 7 minutave në spital”

Shkëlqim Pllana, 17-vjeç dhe Malsor Pllana, 19-vjeç humbën jetën tragjikisht në një aksident trafiku, dy vjet më parë, në afërsi të fshatit Gojbulë të Vushtrrisë.

Vdekja e të rinjve tronditi vendin e familjet e tyre. Madje, nga mërzia e madhe, vetëm tre muaj pas këtij rasti, vdiq edhe babai i Malsorit, Muharremi, raporton Kiks Kosova.

Por, historia e vdekjes së të rinjve nuk u varros me ta. Më shumë se dy vjet pas tragjedisë, dikush po e akuzon një person të tretë për shkaktimin e këtij aksidenti dhe po kërkon që ai të marrë dënimin e merituar.

Një telefonatë që e pranoi të mërkurën e 2 nëntorit të 2022-ës, e gjunjëzoi përjetësisht Bedri Pllanën nga Vushtrria.