Partia Demokratike e Kosovës i është drejtuar sërish kryesuesit Avni Dehari, për vazhdimin e seancës konstituive.
Deputetët e PDK-së në letrën e dërguar në adresën e Deharit, i kanë kërkuar atij që kjo të bëhet nesër, më 18 gusht, me fillim nga ora 11:00. “Moskonstituimi i Kuvendit brenda afatit të përcaktuar tashmë ka krijuar një situatë të rëndë të shkeljes së Kushtetutës dhe të mosrespektimit të aktgjykimeve të Gjykatës Kushtetuese.
Mosrespektimi i afateve dhe procedurave të përcaktuara me Rregulloren e Kuvendit vetëm sa e thellon më tej këtë situatë”, thuhet në letrën të cilën e ka siguruar Klankosova.tv.