Në provincën veriore të Samsunit, në bregdetin e Detit të Zi në Turqi, të paktën 12 persona janë plagosur si pasojë e përmbytjeve të shkaktuara nga shirat e rrëmbyeshëm.
Sipas agjencisë shtetërore turke Anadolu, reshjet intensive të shiut gjatë mbrëmjes së djeshme solli përrenj të dalin nga shtrati, duke përmbytur shtëpi, biznese dhe rrugë.
Autoritetet lokale raportojnë se 12 persona janë dërguar në spital me lëndime të lehta.
Shkollat në distriktin Havza u mbyllën për shkak të situatës së rënduar.
Guvernatori i Samsunit, Orhan Tavli, njoftoi se katër lagje u përmbytën brenda 10 minutash pas reshjeve të së dielës në mbrëmje.