Në një reagim pas takimit, Kamberi tha se vizita po zhvillohet në një periudhë kur shqiptarët në Preshevë, Bujanoc dhe Medvegjë vazhdojnë të përballen me politika diskriminuese dhe përjashtuese nga pushteti në Beograd.
Pushteti në Serbi ka ndërtuar një qasje sistematike të margjinalizimit ndaj shqiptarëve në Preshevë, Bujanoc dhe Medvegjë për vite me radhë.
Ky dualizëm politik e moral nuk mund të vazhdojë pafundësisht, u shpreh ai.
Kamberi dhe Enkel Rexhepi kanë ngritur shqetësimet për mungesën e barazisë dhe mosrespektimin e marrëveshjeve të arritura ndër vite.
Deputeti shqiptar vlerësoi angazhimin amerikan dhe iniciativën për projektligjin HR 6411 në Kongresin Amerikan si një mbështetje të rëndësishme për shqiptarët e Luginës.
Heshtja ndaj padrejtësive në Luginën e Preshevës vetëm sa e forcon pasigurinë, emigrimin dhe destabilitetin afatgjatë në rajon.
Kamberi nënkuptoi se Ballkani Perëndimor duhet të ndërtohet mbi drejtësi, barazi dhe standarde të njëjta për të gjithë qytetarët.
Koha e standardeve të dyfishta duhet të marrë fund.