Prokuroria Themelore në Prishtinë ka filluar hetimet lidhur me dyshimet për keqpërdorime të mundshme në Qendrën Klinike Universitare të Kosovës (QKUK) rreth kontratës për furnizim me barna esenciale dhe listat e pritjes së pacientëve për ndërhyrje.
Zëdhënësja e Prokurorisë, Kaltrina Shala, konfirmoi lajmin duke thënë se organi i akuzës ka autorizuar grumbullimin dhe verifikimin e informatave lidhur me këtë çështje.
Hetimet përqendrohen në lidhjen e kontratës, furnizimin me barna esenciale dhe listat e pritjes së pacienteve për ndërhyrje në kardiologji, kirurgji dhe ortopedi.