Pse LDK-ja votoi kundër raportit për verifikimin e mandateve të deputetëve? – flet Zemaj

Deputeti i Lidhjes Demokratike të Kosovës, Armend Zemaj, tha se LDK-ja votoi kundër raportit të Komisionit të përkohshëm për verifikimin e mandateve të deputetëve, për shkak se nuk përmban të dhënat e sakta të Komisionit zgjedhor të Republikës së Kosovës, për arsye që nuk është shpërndarë me kohë dokumentacioni sa i përket dorëheqjes së kryeministrit.

” Për të siguruar siguri kushtetuese që nuk janë shkelur akti më i lartë juridik i Kosovës, ne kemi kërkuar dokumentacion shtesë të paraqitur në komision, një letër e dërguar sot nga kryeministri, e cila do të duhej te shpërndahej të gjithë qytetarëve të Republikës po ashtu edhe KQZ-së dhe presidentes në ditën që është bërë publikimi i rezultateve, para certifikimit të zgjedhjeve. Ne nuk besojmë që ky kryeministër aktual, i cili tashmë ka dhënë dorëheqje nuk besoj që ky prap nuk do ta shkeli kushtetutën”, tha Zemaj, raporton EO, transmeton Klankosova.tv.