Qeveria amerikane thotë se lufta me Iranin ka përfunduar, duke shtuar edhe se armëpushimi e ndërpreu afatin 60-ditor që kërkonte miratimin e Kongresit për vazhdimin e operacionit ushtarak.
Me sa duket për të shmangur një votim të detyrueshëm me ligj në Kongres, qeveria amerikane e konsideron luftën me Iranin të përfunduar.
Kështu u shpreh një përfaqësues i qeverisë, raporton DW.
Ligji ‘War Powers Resolution’ i vitit 1973 parashikon që një operacion ushtarak duhet të përfundojë brenda 60 ditësh; përndryshe, presidenti amerikan ka nevojë për miratimin e Kongresit.
Afati prej 60 ditësh përfundonte këtë të premte (01.05.).
Afati është ndërprerë nga armëpushimi.
Megjithatë sipas përfaqësuesit qeveria e SHBA-së argumenton se numërimi i afatit është ndërprerë nga armëpushimi që ka hyrë në fuqi që nga fillimi i prillit. ‘Që nga e marta, 7 prill, nuk ka pasur shkëmbim zjarri midis forcave amerikane dhe Iranit’, citohet ai nga mediat amerikane.
Edhe ministri i Mbrojtjes, Pete Hegseth, iu referua armëpushimit gjatë një seance dëgjimore në Senat, kur u pyet për nevojën e votimit.
Sipas deklaratës së tij qeveria mund ta vazhdojë luftën në çdo moment, pasi afati 60-ditor është ndërprerë prej armëpushimit.
Irani kërcënon me sulme ndaj bazave amerikane.
Ndërkohë, një përfaqësues i lartë i Gardës Revolucionare iraniane e ka kërcënuar SHBA-në me sulme të gjata dhe të dhimbshme ndaj bazave ushtarake amerikane dhe anijeve luftarake në rajon, në rast sulmesh të reja amerikane, edhe nëse ato do të ishin të kufizuara.