Autoritetet shëndetësore në Spanjë kanë konfirmuar një rast të ri me hantavirus te një shtetas spanjoll, i cili ishte evakuuar nga anija turistike MV Hondius dhe aktualisht po trajtohet në izolim në një spital në Madrid.
Sipas Reuters, pacienti është një nga 14 shtetasit spanjollë që ndodheshin në bordin e anijes dhe që janë vendosur në karantinë në Spitalin Qendror të Mbrojtjes ‘Gomez Ulla’ që nga data 10 maj.
Autoritetet bëjnë të ditur se rasti i ri është identifikuar gjatë procesit të monitorimit epidemiologjik, i cili u aktivizua pas zbulimit të parë të infeksionit në anije.
Pas konfirmimit të diagnozës, pacienti është transferuar në Njësinë e Izolimit të Nivelit të Lartë në spitalin e Madridit, ku po trajtohet nën masa të rrepta të biosigurisë.
Me këtë rast të fundit, numri i personave të infektuar me hantavirus nga pasagjerët dhe ekuipazhi i MV Hondius është rritur në dy.
Ministria e Shëndetësisë ka theksuar se situata mbetet nën kontroll dhe se rasti është menaxhuar brenda sistemit ekzistues të izolimit, duke shtuar se nuk ka ndryshim në nivelin e rrezikut për popullatën e gjerë dhe as në masat aktuale të menaxhimit epidemiologjik.