Selvia ka ndarë një postim shumë emocional në ditëlindjen e saj, duke kujtuar bashkëshortin e saj të ndjerë, Shpat Kasapin.
Përmes fjalëve të ndjera, ajo ka shprehur se mungesa e tij ndihet edhe më thellë në një ditë që dikur ai e bënte festë. “Sado të zënë ishim, sado momente të vështira kishim kaluar, edhe kur jeta na sfidonte aq shumë, ti prapë nuk e harroje këtë ditë.
Ti dije si ta ktheje ditën time në festë.
Dije si të më bëje të ndihem e veçantë”, shkruan Selvia.
Ajo tregon se gjatë gjithë ditës ka pritur që Shpati të shfaqej, duke shpresuar për një moment se gjithçka mund të ishte vetëm një “shaka e hidhur”. “E sot, gjithë ditën kam pritur të vish… Të hapet dera e të më thuash: ‘Surprizë, Selvooo… ishte thjesht një shaka e hidhur.’ Por ti nuk erdhe”, shkruan ajo.
Selvia shpreh se ende i vështirë ta pranojë mungesën e tij dhe, megjithëse duket e fortë përpara të tjerëve, brenda vetes përjeton një dhimbje të thellë. “Sot të gjithë mund të më shohin të fortë.
Të rregulluar.
Të buzëqeshur.
Të ‘prezantueshme’.
Por askush nuk e di sa shumë jam duke vdekur brenda çdo ditë”, tregon ajo.
Në fund, Selvia e përfundon dedikimin me një mesazh të trishtuar për mikun e saj: “Sot është ditëlindja ime, Shpat… Por pa ty, kjo ditë nuk është më si dikur.
Më mungon më shumë se çdo fjalë që mund të shkruaj.”