Fansat e futbollit të Skocisë kanë gjetur një mënyrë origjinale për të kursyer para gjatë Kupës së Botës 2026, duke marrë me qira mbi 30 autobusë klasikë amerikanë të shkollave për të udhëtuar drejt ndeshjeve të kombëtares së tyre.
Kostot e larta të transportit drejt stadiumit “Gillette Stadium” në Foxborough i kanë bërë shumë tifozë të kuptojnë se vetëm udhëtimi mund të prekë thellë buxhetin e tyre.
Për të ulur shpenzimet, ata vendosën të bashkojnë fondet dhe të ndajnë shpenzimet mes tyre, duke bërë që udhëtimi me autobusë shkollor të jetë më ekonomik se opsionet e tjera të transportit.
Problemet me transportin për Kupën e Botës 2026 kanë shkaktuar reagime të ndryshme, me Shoqatën e Tifozëve të Futbollit (FSA) që i ka quajtur shpenzimet totale të udhëtimit si “skandaloze” për shkak të çmimeve të larta të akomodimit, biletave dhe transportit.