UEFA e ka përjashtuar PFK Turan Tovuz nga Azerbajxhani nga garat evropiane për sezonin e ardhshëm, duke i pamundësuar pjesëmarrjen në Ligën e Konferencës 2026/27, pavarësisht se klubi kishte siguruar të drejtën e garimit pas vendit të tretë në kampionat.
Sipas raportimit të GiveMeSport, vendimi lidhet me rregulloret e UEFA-s që lejojnë moskualifikimin e klubeve në rast të përfshirjes direkte ose indirekte në manipulim ndeshjesh.
Turan Tovuz ka pretenduar se sanksioni i UEFA-s lidhet me një rast disiplinor të viteve të kaluara.
Në reagimin e tij, klubi ka njoftuar se do t’i ndërmarrë të gjitha hapat ligjorë dhe do të apelojë në Gjykatën e Arbitrazhit Sportiv (CAS) për të siguruar pjesëmarrjen e tyre në garë.