Vinicius Junior e ka lëvduar shumë Lamine Yamalin përpara Kupës së Botës që do të zhvillohet së shpejti, duke pretenduar se sensacioni i Barcelonës ka talentin për ta “fituar turneun i vetëm” për Spanjën.
Pavarësisht rivalitetit të ashpër midis Real Madridit dhe Barcelonës, Vini Jr la mënjanë besnikërinë ndaj klubit për të pranuar aftësinë e jashtëzakonshme të adoleshentit gjatë një interviste me Caze TV. “Spanja ka Lamine Yamal, i cili është një nga lojtarët më të mirë në botë.
Ai bën gjëra të pabesueshme në fushë”. “Ai është një lojtar që mund ta fitojë Kupën e Botës i vetëm.
Ai është një nga ata lojtarë që paguan për t’i parë të luajnë”, ka thënë Vinicius.
Yamal e ka vendosur veten shpejt si një nga yjet më të ndritshëm të futbollit botëror, duke përfunduar i dyti në renditjen e “Topit të Artë” 2025 pas një tjetër sezoni sensacional.