Gjatë vizitës në Zveçan, Prattipati u takua me kryetarin e komunës, Dragisha Miloviq, me të cilin bisedoi për zhvillimin lokal dhe mundësitë e bashkëpunimit në të ardhmen.
Lajmin e ka bërë të ditur Ambasada e ShBA-së në Kosovës në një postim në rrjetin social Facebook.
Në Leposaviq, ajo zhvilloi një takim me kryetarin e komunës, Zoran Todiq, duke diskutuar zhvillimin ekonomik dhe mundësitë për përmirësimin e kushteve për investime dhe rritje ekonomike në rajon.
Diskutimet u përqendruan edhe në rëndësinë e bashkëpunimit ndërmjet institucioneve lokale dhe komuniteteve për prosperitetin dhe stabilitetin afatgjatë të rajonit.