VV-ja 118, PDK-ja 131, LDK-ja 124, AAK-NISMA 137: Këta janë numrat e partive politike për zgjedhjet e 9 shkurtit

Është hedhur shorti për renditjen e partive politike në fletëvotim për zgjedhjet e 9 shkurtit.

Lëvizja Vetëvendosje ka marrë numrin 118, PDK-ja numrin 131, LDK-ja numrin 124 kurse koalicioni AAK-NISMA numrin 137.

Këta janë numrat e disa prej partive politike:

VV – 118

PDK – 131

LDK – 124

AAK – NISMA – 137

Koalicioni për Familjen – 129

Partia e Ashkalinjëve për Integrim – 123

Demokracia Serbe – 116

Lista Serbe – 112

Ynekilici Turk – 130

Partia Rome e Bashkuar e Kosovës – 114

PDAK – LPB – 125

Gradanjska Iniciativa – 126

Nasha Bosnjaska Koalicia – 121

Parita kosovksi srba – 120

Srpski narodni proket – 133

Në anën tjetër, kryetari i KQZ-së, Kreshnik Radoniqi, ka bërë të ditur se më 9 janar do të fillojë procesi i votimit jashtë vendit me postë, kurse më 11 janar fillon fushata.

“Që nga mesi i muajit gusht KQZ-ja po zhvillon përgatitjet intensive për zgjedhjet, dhe deri më tani shumica e përgatitjeve janë kryer. Edhe ngjarja e sotme është e rëndësishme sepse i papaprin aktiviteteve siç është dizajni i fletëvotimit. Më 9 janar do të fillojë procesi i votimit jashtë Kosovës me votuesit përmes postës, më 11 janar subjektet politike fillojnë fushatën zgjedhore. Ftoj të gjitha subjektet që t’i përmbahen ligjeve e rregullave zgjedhore”, ka thënë Radoniqi.

Me kë garojnë në maja të listave të tyre partitë?

Vetëvendosja në top pesëshen e partisë ka vendosur kandidatin e saj për kryeministër, Albin Kurtin, për të vazhduar me figura kyçe partiake si Glauk Konjufca, Donika Gërvalla, Avni Dehari e Albulena Haxhiu.

Gjer më tash Vetëvendosja nuk ka paraqitur program zgjedhor, ndërsa ka proklamuar kryesisht nëpër tubime atë që e përkufizojnë si shtrirje sovraniteti dhe luftim korrupsioni.

Lidhja Demokratike e Kosovës në top pesëshen e saj ka përfshirë kandidatin e saj për kryeministër, Lumir Abdixhikun, ndërsa ka vijuar me Kujtim Shalën, Doarsa Kica-Xhelilin, Lutfi Hazirin e Gazmend Muhaxherin.

LDK qe kohë ka paraqitur programin e saj të quajtur “Rruga e Re” ku kryesisht përfshihen zotime e plane për investime të mëdha infrastrukturore e kapitale.

Partia Demokratike e Kosovës garon me Bedri Hamzën si kandidat për kryeministër, për t’u përcjellur me Memli Krasniqin, Vlora Çitakun e Enver Hoxhajn.

PDK ka botuar muaj më parë programin e saj qeverisës.

Aleanca për Ardhmërinë e Kosovës garon bashkërisht me Nismas Sociale Demokrate dhe një seri koalicionesh me parti të vogla.

AAK synon, siç e quajn ata, anëtarsëimin e Kosovës “direkt në NATO”.