Presidenti ukrainas Volodymyr Zelensky bëri thirrje të premten që Moska të ndëshkohet pasi vendosi trëndafila të kuq në rrënojat e një pallati apartamentesh në Kiev, ku një sulm me raketa ruse vrau 24 persona, përfshirë tre fëmijë.
Ekipet e shpëtimit përfunduan operacionet e kërkimit në ndërtesën e shkatërruar, e cila u godit këtë javë gjatë sulmit më të rëndë ajror të Rusisë në kryeqytetin ukrainas këtë vit. “Ekipet tona të ndihmës së shpejtë… punuan pa ndërprerje për më shumë se një ditë”, tha Zelensky në aplikacionin Telegram pasi vizitoi vendin e sulmit në lagjen Darnytskyi të Kievit, në bregun e majtë të lumit Dnieper, duke vendosur lule dhe duke folur me punonjësit e shpëtimit. “Rusët praktikisht shkatërruan një pjesë të tërë të ndërtesës me raketën e tyre”, tha ai.
You must be logged in to post a comment Login