Një taksi është përfshirë nga zjarri pasditen e sotme në zonën e “Rrugës B” në Prishtinë.
Automjeti është përfshirë nga flakët, ndërsa në vendin e ngjarjes kanë dalë ekipet e zjarrfikësve dhe të Policisë së Kosovës, të cilat kanë intervenuar për të lokalizuar zjarrin dhe për të siguruar zonën.
Komandanti i Batalionit BPZ Prishtinë, Muhamet Beqirit bëri të ditur për Klankosova.tv se nuk ka të lënduar ndërsa zjarri është lokalizuar.
Zjarri ka qenë në rrugën B përball Royall Mall në një veturë.
Zjarri është fikur nga ekipa reaguese e zjarrfikësve dhe nuk ka të lënduar” ka thënë Beqiri.