Kandidati i LDK’së për deputet, Alban Zogaj dhe nënkryetari i Komunës së Prishtinës ka mbajtur një tubim në Lagjen e Spitalit në Prishtinë, shkruan Periskopi.
Zogaj u është drejtuar qytetarëve të kësaj lagje duke thënë se: “Çdo votë është një gurë në themelin e së ardhmes që duam të ndërtojmë”, ka thënë ai.
Postimi i plotë:
Të dashur qytetarë të Lagjes së Spitalit,
Ishte një nder i veçantë për mua të isha mes jush, jo vetëm si kryetar dege, e një kandidat për deputet, por si dikush që gjithmonë ka qenë pranë qytetarëve të Prishtinës dhe Kosovës. Poashtu në veçanti, dua të falënderoj strukturat dhe aktivistët e palodhshëm të Degës III!
E ardhmja e Kosovës është në duart tona. Bashkë, ne mund të ndërtojmë një të nesërme më të ndritshme për të gjithë. Por kjo kërkon angazhimin tuaj – jo vetëm sonte, por çdo ditë deri në zgjedhje dhe më pas.
Ju ftoj që të na bashkoheni në këtë rrugëtim. Çdo votë është një gurë në themelin e së ardhmes që duam të ndërtojmë.
#LDK #BehuNdryshimi #Voto124 #AlbanZogaj #Voto28
