Kandidati i PDK-së për kryeministër, Bedri Hamza, ka vazhduar me publikimin e zotimeve të tij.
Në profilin e tij në “Facebook”, Hamza ka postuar videon e radhës ku flet për zotimin e tij të pestë.
Ai ka premtuar arsim për të ardhmen dhe bursa studentore në vlerë 25 milionë euro në vit.
“Ne do të investojmë tek fëmijët dhe të rinjtë tanë, në mënyrë që ata ta ndërtojnë të ardhmen e tyre në shtetin tonë dhe të mos kenë nevojë ta kërkojnë atë jashtë kufijve. Zotimi im i pestë është arsimi për të ardhmen! #MaMirë”, ka shkruar Hamza.
