Gjykata e Lartë e Mbretërisë së Bashkuar ka vendosur që termat “grua” dhe “gjini” në Aktin e Barazisë i referohen një gruaje biologjike dhe gjinisë biologjike, në një fitore për aktivistët kritikë gjinorë.
Pesë gjyqtarë nga Gjykata e Lartë e Mbretërisë së Bashkuar vendosën njëzëri se përkufizimi ligjor i gruas në Aktin e Barazisë 2010 nuk përfshinte gratë transgjinore që kanë certifikata të njohjes gjinore (GRC), raporton “Guardian”.
Vendimi paraqet një humbje të rëndësishme për qeverinë skoceze. Kjo pasi vendimi do të thotë që gratë transgjinore nuk mund të ulen më në bordet publike në vendet e caktuara për gratë.
Mund të ketë pasoja shumë më të gjera duke çuar në kufizime shumë më të mëdha në të drejtat e grave transgjinore për të përdorur shërbimet dhe hapësirat e rezervuara për gratë, dhe të ndezë thirrjet që ligjet e Mbretërisë së Bashkuar për njohjen gjinore të rishkruhen.
