FSPTSPK në një komuniaktë për medie ka njoftuar se punëtorët teknikë të shkollave të mesme në Drenas janë në përgatitje për fillimin e grevës deri në rritjen e pagës në 405€.
E gjithë kjo po behet sipas tyre, pasiqë edhe pas 6 muajsh hyrje në fuqi të pagës minimale në Kosovë prej 350€ bruto, punëtorët teknik të shkollave të mesme në Drenas ende marrin pagë 237€ neto, që do të thotë çdo punetore deri me tani është i demtuar per 558 €.
Mirëpo lidhur me këto paralajmerime të FSPTSPK, Komuna e Drenasit është deklaruar për portalin rajoni.org.
Ata thonë së sa i përket rastit në fjalë, Komuna e Drenasit e ka të kontraktuar shërbimin për të dy shkollat e mesme dhe nuk ka asnjë përgjegjësi ligjore ndaj punëtoreve në fjalë.
“Ju njoftojmë se të gjithë punëtoret teknik që punojnë në shkolla paguhen sipas ligjit të pagave për zyrtar publik. Ndërsa sa i përket rastit në fjalë, Komuna e Drenasit e ka të kontraktuar shërbimin për të dy shkollat e mesme dhe nuk ka asnjë përgjegjësi ligjore ndaj punëtoreve në fjalë”, kanë sqaruar komuna e Drenasit.
Tutje ata për rajonin kanë shtuar së për punëtorët në fjale, paga e tyre rregullohet me marrëdhënie kontraktuale në mes punëdhënësit në këtë rast kompanisë dhe punëtorëve të angazhuar
“Pra paga për këta punëtor rregullohet me marrëdhënie kontraktuale në mes punëdhënësit në këtë rast kompanisë dhe punëtorëve të angazhuar. Ne si Komunë nuk kemi bazë ligjore për të marrë veprime në këtë rast”, kanë përfunduar në sqarimin e tyre Komuna e Drenasit.
